坐專機帶團遊大馬譚輝智挑戰處男食榴槤

更新時間：03:00 2025-08-02 HKT
發佈時間：03:00 2025-08-02 HKT

　　譚輝智與車婉婉昨日以嘉賓身份，帶團到馬來西亞與歌迷玩足5日4夜，眾人更乘「輝智號」專機出發，兩人攜家人同行，譚輝智表示將小朋友交給老婆及車婉婉的兒子「BBQ」，車婉婉在出發前先送兒子去軍校學照顧自己，她形容兒子終於「醒咗」。
　　今次「輝智號」由列車升呢到客機，譚輝智多謝旅行社知他喜歡去旅行，所以為他安排很多計劃，他透露今次有限額所以僅約有60人一起去，抵達馬來西亞也有人加入，他笑言太多人也怕自己負荷不到。問到心水景點，車婉婉指是「食榴槤」，她指自己處女帶團，而譚輝智就是處男食榴槤。譚輝智笑言這是他人生中最大挑戰，希望到時能夠突破到，月底開騷的他指還有一個月左右，所以今次不戒口，享受旅程。
　　車婉婉表示為這個旅程特地送兒子去軍校學照顧自己，然後照顧其他小朋友，她指兒子從軍校回來後終於有「醒咗」的感覺，「佢平時喺一個發夢嘅狀態，我突然間覺得佢醒咗，知道周圍發生緊咩事，多咗啲警覺性。」她指兒子在軍校期間無哭，之後更聽長官講兒子在校中做齊所有事情例如洗衫，所以今次也會將譚輝智的衫給兒子洗。
考慮送子女去軍校
　　問譚輝智會否也想送子女去軍校受訓？他說：「我今次觀察吓『BBQ』睇吓佢嘅進步，佢未去之前已經覺得佢好獨立同成熟，如果再upgrade可以養家，我自己梗係想，但因佢哋仲細，（8歲差唔多？）係，我個仔係勁需要。」

↓立即下載星島頭條App↓