黃宗澤遭蔡潔質問帶「戴祖儀」睇GD
更新時間：03:00 2025-07-27 HKT
發佈時間：03:00 2025-07-27 HKT
發佈時間：03:00 2025-07-27 HKT
字體大小
黃宗澤（Bosco）早前被影到與女伴在馬來西亞欣賞G-Dragon演唱會，不過他解釋同行十幾人，對方只是普通朋友，更爆蔡潔傳訊息問他為何帶戴祖儀去睇騷。
黃宗澤（Bosco）、蔡潔、陳豪、陳瀅、馬國明等前晚出席《執法者們》大結局晚宴，提到Bosco在馬來西亞被拍與跟女伴欣賞G-Dragon演唱會，他笑說：「邊有人咁蠢帶女仔睇演唱會，我哋十幾個朋友去睇，因為識主辦方，嗰個女仔係普通朋友。」Bosco又爆蔡潔曾傳訊息給他，問為何帶戴祖儀睇騷：「佢話同戴祖儀睇騷，都唔同我睇！」蔡潔即解釋身邊朋友也認同很似戴祖儀，Bosco搭嘴說：「如果係蔡潔好啲嘅。」Bosco笑言若然有女友的話，會帶對方欣賞安靜演唱會。他說：「係睇Kenny .G，而唔係G-Dragon。（如女友喜歡G-Dragon呢？）咪買張飛佢自己去睇囉！」Bosco又指當日睇G-Dragon演唱會猶如盛事，談到他當時可有練舞技？他笑指：「樂壇同舞壇都唔屬於我，我都係返嚟影壇！嗰啲交番畀林峯，搞番張櫈。」
陳瀅想同馬明拍打鬥戲
陳瀅表示若然再有機會跟馬國明合作，希望跟對方拍打鬥及開槍戲，因為每次拍開槍戲都不眨眼。馬國明自嘲年紀大感觀退化又反應慢，拍《隱形戰隊》被監製發現他是唯一一個開槍不眨眼。陳瀅又指演出該劇的性感戲會擔心走光又要減肥，但馬國明大讚陳瀅身形Fit。問到陳瀅身形Fit無男友，可會參加《女神配對計劃》？陳瀅透露初期劇組有找她，最後想找更年輕女藝人。馬國明指陳瀅若參加一定多男仔報名，但自己不敢做「花生團」擔心揀錯累對方一世。
同場出席的陳豪，表示好少見宣萱演繹戲中類型角色，雖然為人好善良又友善，但有原則，又認為對方性格幾適合演搞笑戲。
