李龍基接未婚妻出獄：從此光明啦！
發佈時間：03:00 2025-07-08 HKT
74歲李龍基的36歲未婚妻王青霞（Chris）因逾期居留、使用虛假文書等罪被判囚25個月，扣減刑期後於昨天出獄。為迎接愛妻重獲自由，他提早3天籌劃「重生儀式」，出獄前夕先獨赴街市購置傳統去穢氣的碌柚葉及檻火盆衣紙，昨晨到深圳灣口岸，手持60枝粉紅色玫瑰迎接未婚妻，情緒激動高呼：「老婆老婆！」60枝玫瑰更暗藏「分分秒秒都愛你」誓言，李龍基接受《星島頭條》訪問時開心說：「好啦，從此光明㗎啦！」
昨午2時多，Chris刑滿後被入境處送往深圳灣口岸，苦候多時的李龍基即送上60枝粉紅玫瑰，每枝都代表過去18個月的思念。只見面容憔悴的Chris目無表情，低頭不語，不時迴避鏡頭，反而李龍基難掩興奮說：「非常開心！等咗好耐，終於等到佢出嚟！好啦，從此光明㗎啦！」他又護妻，強調要畀老婆靜一靜：「佢唔想講嘢。」而兩人返到珠海愛巢後，第一時間燒衣紙檻火盆，Chris又用碌柚葉沖涼來去穢氣。
哽咽肉赤牢獄之苦
問到愛的承諾時？李龍基堅定道：「喺張紙度畫隻龜咪係承諾囉，我哋會盡快進行！」對於外界質疑結婚計劃係「吹水」，他卻豁達採取懶理態度道：「唔需要理佢哋，總之係我哋兩個人嘅事，我好肯定咁講好快會結婚，佢都實實在在咁應承咗我，但申請需要時間，我哋兩個有心行呢條路，冇人阻止到！」另外，日前李龍基現身街市時，受到街坊熱情歡迎，不少師奶粉絲要求合照，紛紛表示是他的歌迷，並詢問開演唱會的時間。而商販亦爭相招呼，魚檔老闆娘大讚他「後生又Fit」，更有店主推薦風濕藥膏，他心情大靚幽默回應：「暫時未需要住！」面對豬手推銷，李龍基更笑稱：「鹹豬手就有啫！」顯見心情愉快。
李龍基透露兩人未來新動向，他為Chris準備好了珠海的「安樂窩」，讓她靜休後重新出發，又坦言稍後將生活重心移往內地，已適應當地價廉物美的生活：「好彩自己做人要求好低，但求食得飽瞓得好。」更讚賞服務態度一流。談及等待年半的心情，李龍基一度哽咽：「18個月前覺得好漫長，尤其一個自由自在、嬌生慣養嘅女仔要面對咁長嘅刑期，喺裏面係好辛苦嘅，諗起佢咁後生要受牢獄之苦，我就好心痛。現階段放低晒所有嘅壓力，好在衰氣已過！」
獄中悔悟承諾改過
李龍基又感慨表示，知道Chris以前有好多不善之處，以前見「老公」有啲知名，好勝心驅使下要高調同「老公」平起平坐，才搞出好多禍端，但她在獄中深刻反省過往高調行事的錯誤，更在信中承諾改過：「佢話『有幾長日子就陪到你幾長』，我好欣慰。」他強調不會隱藏妻子曾服刑的事實，希望她「成長面對世界」，但尊重她現階段拒見外人、包括家人的意願：「人誰無過？知錯能改就得！網上抨擊當烏鴉叫，但出街個個都對我笑。」 被問是否進補準備「新婚生活」？他大笑拒答細節：「靈慾一致先係好夫妻！（係咪一周10次？）呢啲係我哋兩個人之間嘅事，唔講你聽！」又笑言食來要強身健體，以保健為主，不一定幫助性事。
