梁敏巧大讚對方：佢好有風度

更新時間：03:00 2025-07-02 HKT
發佈時間：03:00 2025-07-02 HKT

今期《東周刊》獨家直擊梁敏巧早前出席粉絲聚會完結後，獲富貴Benz男管接送兼幫忙拎禮物，同時爆向梁敏巧告白失敗的Babyface已極速有新歡，拍到他在商場暗角攬啜索女。
Babyface於真人騷《女神配對計劃》再次向梁敏巧告白失敗終決定「放下」女方，並言出必行極速認識慳家索女新歡；至於被指「拜金」的梁敏巧亦被拍到光頭Benz壯男送返香閨，各自精彩。梁敏巧昨日回覆《星島頭條》表示對方是朋友和生意拍檔：「當日車中還有兩個藝人好朋友，佢好有風度嘅，完咗佢都車晒我哋返屋企。」又透露與Benz男將會一起在東莞同珠海開琴行：「因為我開過琴行，不過開咗好短時間就遇上疫情，所以打算捲土重來，如無意外兩三個月後就開張。」至於兩人是否有發展的可能？梁敏巧就斬釘截鐵表示：「只係朋友，生意拍檔！」
戥Babyface開心
至於Babyface求愛失敗後極速找到新歡，更在商場啜爆對方，梁敏巧就表示與Babyface從沒私下聯絡，也不知道對方已有新歡：「佢搵到合適嘅對象，我都好戥佢開心，（佢喺商場啜新歡！）好甜蜜，好戥佢開心呀，祝福佢！」問到是否有甩難的感覺？她說：「咁又唔係用甩難形容，大家係一齊進步，係一個好好嘅經歷，始終因為佢先咁多人識我，我都想佢開心幸福。」

↓立即下載星島頭條App↓