許恩怡首爭影后 笑認呆足四日
發佈時間：03:00 2025-04-21 HKT
出道4年的許恩怡（Natalie），憑電影《久別重逢》入圍「第43屆香港電影金像獎」的「最佳女主角」，她坦言好幸運又感恩，但未有感到壓力，覺得演出時是以學習為主，從未想過會獲提名。
對於角逐「影后」殊榮，Natalie說：「拍完這部戲，收獲豐富，仲有得提名喎！反而係呢個心態。」她笑言當得知有份角逐「最佳女主角」時好驚訝，當時身在公司，公布入圍期間正在洗手間，雖然聽到很多同事大叫，但仍未相信自己有份，因為不想有過份期望，擔心會失望，所以平常心看侍，「啲同事話『你得到提名啦！』，我就呆咗，用3、4日時間才消化這件事，現在記返都覺得好夢幻！」
談到今屆「最佳女主角」提名分別有《虎毒不》的談善言、 《看我今天怎麼說》的鍾雪瑩、《破·地獄》的衛詩雅及《從今以後》的區嘉雯，面對強勁對手，Natalie直言每位演員各有優點，任何一位得獎都覺得值得，會真心戥對方高興：「談善言在《虎毒不》演出，係好大膽同大方，因為我都演過未婚媽媽角色，自己從未做過呢類角色，所以知道有幾難；而睇完鍾雪瑩呢套戲，真係會覺得佢係一個由兩、三歲就開始戴耳機嘅女仔；衛詩雅在《破·地獄》中，一個情緒入面搵到好多層次，我好鍾意佢把聲，就算發緊脾氣戲份，都覺得佢把聲好好聽；我覺得對區嘉雯嘅timing係好值得學習，尢其咁重戲份，真係要把握每場戲節奏！」
與Ian同時間互相恭喜
談到拍檔陳卓賢（Ian）憑《久別重逢》角逐「最佳新演員」，Natalie笑言見到他開心，自己就會開心：「嗰日傳訊息同Ian講『恭喜你！』，佢幾乎Copy and paste講『恭喜你！』。我哋有同謝票團隊講，邊個得獎都要請我哋食嘢！」Natalie曾與不少前輩級演員合作，有份演出張家輝自編自演自導新戲《贖夢》的她，大讚家輝衣著品味好有型：「拍緊戲嗰個月係好辛苦，亦無時間諗其他嘢，喺現場好似剛瞓醒狀態！但家輝都似行catwalk，連眼鏡都襯好晒！」
