王晶預告爆料「四大天王」秘聞

更新時間：03:00 2025-03-19 HKT
發佈時間：03:00 2025-03-19 HKT

　　王晶昨日出席「國際短劇協會2025年國際短劇論壇」，對於近日在網上頻道大爆劉嘉玲當年被綁架的原本目標人物是李美鳳，王晶昨日說：「係我聽返嚟嘅！」至於可會擔心勾起嘉玲不開心回憶，王晶認為：「都幾十年啦！佢經歷咁多點會呀！」更預告之後講四大天王，由最矮開始講。

問到王晶是否覺得劉嘉玲不會介意，他卻說：「我唔知呀！邊個唔知啫。佢介唔介意，我唔知，講出嚟有乜所謂。」談到劉嘉玲未必想重提事件，王晶坦言對方毋須睇他的網上頻道，並指任何事也有人覺得負面，不如任何事都不做，一個人躲在家就不會得罪人。至於被指是綁架案原本目標的李美鳳是否知情，王晶也說：「我唔知，我都係聽返嚟！」
透露叻哥被毆阿倫在場
提到在網上頻道透露陳百祥於90年代在澳洲被圍毆，王晶即說此事自己當然知：「阿倫（譚詠麟）都喺度，我就唔喺度。（佢傷勢係咪好傷？）少少啦！」問到可會繼續爆料，王晶預告稍後談及「四大天王」，「打頭陣由矮到高啦！」又指一向只會有讚無彈，可會擔心爆料得罪人，他反問：「得罪邊個呀？好多都走咗啦！」
另，對於不少電影人指今年是電影業寒冬，王晶坦言是寒冬，大家不敢膽開戲，而且入戲院睇戲好貴，但他今年也會開拍新戲，他認為電影業寒冬對每人的影響都大，「都唔係第一次寒冬，但今年特別冷！」提到劉青雲表示對香港電影有信心，王晶指每人感受不同，青雲是演員，自己是製作人，亦相信對方在《爸爸》不會收足錢。

↓立即下載星島頭條App↓