麥美恩龍年當旺工作多黎諾懿拒為張振朗開節目：我妒忌心重

更新時間：03:00 2024-02-20 HKT
發佈時間：03:00 2024-02-20 HKT

　　《獎門人元宵感謝祭》前晚（18日）進行錄影，黎諾懿預告正籌備兒童節目，但不想再讓兒子出鏡怕帶他開工會累；張振朗想諾懿開節目讓他跟靚女合作，但遭諾懿拒絕，並笑言：「我妒忌心重！」
諾懿透露今年首次出外避年，從年廿七出發到北海道玩足10天，旅程更經歷了四季：「大風雪、20年第一次回暖溶雪，之後凍返，阿仔玩得好開心，佢未見過雪，今次帶佢睇真雪開心到不得了，成日話唔走，而家睇緊暑假有冇班，畀佢去一路讀書一路玩。」諾懿讚兒子第一次滑雪很有天分，振朗即反問：「係咪似你？」獲諾懿大讚助功得好。
不想兒子出鏡
問到開新節目會否預振朗，諾懿說：「大家都知我開節目係冇男仔，因為望住你（振朗）又靚仔又有才華過我，我會唔開心。」振朗即提議可開節目讓他跟女仔一起拍，諾懿拒絕：「睇住你哋開心，我又唔開心喎！我個人妒忌心重！」諾懿正構思一個兒童節目，但不想兒子再出鏡，因為帶兒子開工很累。
盼將旺氣傳開
同場的麥美恩，以一身電影《鹿鼎記》「神龍教教主」造型現身，錄影時她突然從髮髻內取出早前在《萬千星輝頒獎典禮》中奪得的「最佳女主持」獎座，非常搞笑，她又笑言最初以為這造型是林青霞飾演的東方不敗，後來才知是「神龍教教主」。美恩談到農曆年有好兆頭，由年三十晚工作到年初四，工作排到去4月，望將旺氣分享給郭柏妍。郭柏妍大感羨慕，希望有機會跟美恩拍旅遊節目。