鄒凱光預告互爆「食明星」個案

更新時間：00:46 2018-12-05 HKT
發佈時間：03:00 2018-12-05 HKT

　　(星島日報報道)彭浩翔、鄒凱光與劉翁合作棟篤笑《翔揸劉灘之潮潮的吹》於下月19日在麥花臣場館重演一場，三人前晚出席記者會。談到今次話題，彭浩翔表示場地轉到旺角可以談及民情，在旁的鄒凱光大爆在旺角的遭遇，自言經歷好慘痛，成日以為學生妹好靚：「真係好靚，仲收錢o添！」對於重演一場，鄒凱光直言不夠喉，希望一直加場落去，今次會繼續爆料：「我打算今次互爆對方食咗明星一單個案出來！但大家食嘅定義好難講，好似彭浩翔套戲「趷趷剛」係食人㗎！」劉翁表示上次演出棟篤笑有好多老友入場欣賞，反而觀眾買不到門票，所以今次添食。彭浩翔笑言上次場地太細，今次轉為較大場地，原本話不如直接去紅館開騷，但他覺得要按部就班。鄒凱光聞言即謂：「人哋叫你去大西洋城咋！佢怕搭長途機咪唔去大西洋城囉！其實東莞有一個。（目標去紅館開騷？）至少啦！」