青雲孭70磅裝備頭暈嗌份工唔易做

更新時間：00:59 2020-11-18 HKT
發佈時間：03:00 2020-11-18 HKT

青雲、華仔已有18年未合作過，依然默契十足，鏡頭後雞啄唔斷。

　　(星島日報報道)劉德華主演新片《拆彈專家2》將於今年底壓軸登場，除了原有班底，更邀得金像影帝劉青雲及金馬影帝謝君豪加盟，與劉德華合組「完美影帝三叉戟」。曾飾演消防員的青雲初嘗拆彈，今次要孭起70磅拆彈裝備，令他大感頭暈，大呼「份工唔易做」！
　　新加盟《拆彈專家2》的劉青雲飾演「拆彈專家」總督察，在拍攝過程中，青雲不時要身穿70磅重的拆彈裝上陣，首天開工便要跟劉德華拍攝一場「拆彈」戲分，期間青雲「全副武裝」在鏡頭前威風凜凜，不過在鏡頭後，當他除下頭盔，即笑言：「焗到頭暈暈！」
　　不過，導演邱禮濤似乎不太認同，他笑指青雲曾於電影《十萬火急》飾演消防員，體能應付理應綽綽有餘。事後問到青雲演拆彈專家還是消防員較辛苦？他表示：「原來做拆彈專家嘅裝備，重過做消防員好多，消防員制服唔重，只係個氧氣筒重，但如果加埋拍攝過程，就應該演消防員辛苦啲，畢竟拆彈專家唔使周圍跑、上落樓梯，但演消防員就要跑來跑去，體能上付出較多。」
　　青雲與華仔相隔18年再度合作，但二人依然默契十足，在鏡頭後更有講有笑，兩位影帝不時討論美容經、車經等話題。青雲表示：「我哋都好多唔同話題，不過傾得最多就係劇情，因為故事比較複雜，好多爆炸同動作場面，所以大家會交流多啲，想令到電影出來嘅效果更好！」
　　