劉國業 – 古董工藝最攞膽｜Hi Fi 聖杯

更新時間：00:05 2023-08-31 HKT
發佈時間：00:05 2023-08-31 HKT

廣東話，好傳神，「攞膽」，以我有限公司的中文水平，意解「被苛索到非常嚴重的地步」，好似被人從身上割咗個膽。玩Hi Fi，一樣攞膽，除了生活上要有多餘錢（有啲發燒友食麵包皮都沉迷其中，另計），也一様要攞膽，係指要不惜腰間錢，找到珍稀好「膽」。而此膽非指身上器官，而係指「真空管」。

劉國業 – 古董工藝最攞膽｜Hi Fi 聖杯真空管為音頻放大元件，即現今人稱的「膽機」。

真空管於上世紀初面世，用於擴大訊號，因此投用於大氣電波發射，其後走入民間，成為音頻放大元件，即現今人稱的真空管擴音機或俗稱「膽機」，其音色特質係暖感高、人性化，容易入耳。但要達到以上標準，需要有靚膽，而靚膽絕大部分係古董膽，皆因當年工藝高，現已不復再。至於以往用料，現今不是禁用就是越來越稀有，所以玩膽機，必須舊膽，新的真空管總之欠缺舊日韻味，所以全球發燒友個個搜羅古董膽，搞到價格水漲船高，收藏升值，比起買股票仲好賺。

發燒友常用的膽機，包括12AX7、6922、6SN7、6L6、KT66、EL34、KT88、2A3、300B等等，發燒友如數家珍，如果他們用記這堆數字的腦力去炒股，可能好多人會發達囉。

文、圖：劉國業

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ