斷捨離
嘉嘉，正職旅行嘉，副業打工仔。
2022-01-07 00:04 HKT
字體大小
美玲望著實用面積有八百呎嘅單位，本來小兩口住，鬆動有餘，但她現在放眼開去，就是書海，而腳下可見嘅地板，亦只剩不及丁方一呎！
「老公，你唔好再買書喇，我就離冇位坐呀！」
「你知我冇乜興趣，就係鍾意睇書。」
「咁你睇完就送俾人喇！」
「咁真係唔捨得喎。」
「老公，你要學下斷捨離呀！」
「斷捨離？」
「《斷捨離》係一種生活哲學，亦係山下英子嘅作品，即係要『斷絕不需要的東西、捨去多餘的物品、脫離對物品的執著。』如果由心靈層面嚟睇，可以透過斷捨離方式，藉住整理物品、捨棄冇用嘅嘢，咁生活環境會乾淨整潔尐，等心情舒暢愉悅。」
「另外，有個法國作家都話絕大多數嘅人，喺生命嘅旅程中，都攜帶咗超重嘅行李。所以我地都要開始執拾，唔單止為見番個地板，亦都為生活輕鬆尐，自由尐。」美玲見丈夫頻頻點頭，聽得非常投入，逐放下了十萬個心。
幾日後，美玲在廚房的垃圾筒傍，又見到她最討厭的書局膠手抽，看起來還是新的！美玲忽然間著了魔似的，一支箭般衝出廚房，對坐在大廳看書的丈夫尖叫：「老公，你又去買書！」
只見她的丈夫好整以暇地抬頭望著美玲，說：「唔使咁緊張，我冇亂買，我只係買咗果位日本作家嘅《斷捨離》同幾本相關嘅嚟參考一下，睇下點樣可以斷捨離之嘛！」
最Hit
長者咭/樂悠咭點樣分？35+精選優惠 申請方法/文件/兩咭分別/申請教學一文睇清
2026-02-10 11:52 HKT
40樓業主難忍等𨋢時間長 聲稱繁忙時間「20分鐘」 寧願賤賣也要離開
2026-02-10 12:40 HKT
最平澳門直通巴路線? ！OK巴士增深圳來往珠海澳門路線 羅湖、福田經深中通道 1.5小時直達拱北口岸
2026-02-10 12:52 HKT
罐裝蛋卷正確打開方式！餅家教用1物輕鬆開蓋 網民錯重點：教咗點拎第一條先！
2026-02-10 13:37 HKT
