断舍离
嘉嘉，正职旅行嘉，副业打工仔。
2022-01-07 00:04 HKT
字體大小
美玲望著实用面积有八百呎嘅单位，本来小两口住，松动有余，但她现在放眼开去，就是书海，而脚下可见嘅地板，亦只剩不及丁方一呎！
「老公，你唔好再买书喇，我就离冇位坐呀！」
「你知我冇乜兴趣，就系钟意睇书。」
「咁你睇完就送俾人喇！」
「咁真系唔舍得㖞。」
「老公，你要学下断舍离呀！」
「断舍离？」
「《断舍离》系一种生活哲学，亦系山下英子嘅作品，即系要『断绝不需要的东西、舍去多余的物品、脱离对物品的执著。』如果由心灵层面嚟睇，可以透过断舍离方式，藉住整理物品、舍弃冇用嘅嘢，咁生活环境会干净整洁尐，等心情舒畅愉悦。」
「另外，有个法国作家都话绝大多数嘅人，喺生命嘅旅程中，都携带咗超重嘅行李。所以我地都要开始执拾，唔单止为见番个地板，亦都为生活轻松尐，自由尐。」美玲见丈夫频频点头，听得非常投入，逐放下了十万个心。
几日后，美玲在厨房的垃圾筒傍，又见到她最讨厌的书局胶手抽，看起来还是新的！美玲忽然间著了魔似的，一支箭般冲出厨房，对坐在大厅看书的丈夫尖叫：「老公，你又去买书！」
只见她的丈夫好整以暇地抬头望著美玲，说：「唔使咁紧张，我冇乱买，我只系买咗果位日本作家嘅《断舍离》同几本相关嘅嚟参考一下，睇下点样可以断舍离之嘛！」
最Hit
观塘夜市开锣！一连17日免费入场 设30美食摊位 台湾夜市摊贩参展 必试铁板鱿鱼/大肠包小肠（附地址/开放时间）
2025-11-11 15:28 HKT
地域强者 全球挑战 首个获「M」品牌认可电竞赛事BLAST Premier Rivals 8支参赛战队揭晓
2025-11-12 00:00 HKT
繁忙时间港铁车厢必现「集体行为」！？车长开咪仍无效阻止 网民怒批：可唔可以俾返少少公德心
2025-11-11 09:00 HKT
健康PRO｜成人奶粉变健康陷阱 专家教你点拣真健康奶粉
2025-11-11 16:42 HKT
