英國飲茶同香港有咩唔同？
移英港媽生活分享
2021-12-24 11:31 HKT
字體大小
在香港，我們一家差不多每個星期都會上酒樓飲茶食點心，又唔係話好鍾意飲茶，但就係鍾意在酒樓飲茶那種氣氛，縱然通常一個鐘多點食飽就走人，依然成為我地的周末日常。來到英國諾定咸，中式酒樓只得幾間，咁同香港飲茶係咪好唔同呢？
1. 營業時間
首先，真係唔好諗住晨早起身，歎番個早茶先，因為酒樓都係唔開早市㗎！星期一至日都係開中午 12 點，晚市則主力小菜。出去食早餐都係去 Cafe 食 all day breakfast 算了。
2. 點心選擇
一定無香港咁多姿多采，亦唔會成日換點心款式，以我幫襯咗半年多的經驗，基本上點心紙都係同一張，又不過，款式都已經有 50 多款，囊括晒最 popular 的蒸、炸、煎點心，腸粉、粥與包點，另外仲有一個炒粉麵 list，我覺得選擇其實都不少了。
3. 點心質素
第一次食，我真係可以用「喜出望外」來形容，因為比我想像中「高汁」。腸粉皮都夠滑身唔太厚，蝦腸當然唔稱得上有蝦味，都心知肚明用雪蝦，不過蝦肉都算爽口大隻。叉燒包馬拉糕之類都合格，包身鬆軟足餡，係奶黃包個流心差少少﹔點心如蝦餃燒賣比較有舊式茶樓影子，即係食得出係舊派師傅落咗豬油版本，味道好 old school。炒飯炒粉麵普遍都唔錯，我係唔明點解無我好喜歡的煎堆。
4. 茶
茶就真係無懸念地唔得，淡薄無味，同飲水無太大分別。有要求的朋友不妨自備茶葉去沖茶。
每次我 post 完飲茶相，香港朋友都會問我英國飲茶貴唔貴呀。我地一家食量唔大，一般點 7 至 8 款點心加一個炒粉麵就夠飽，連茶錢，以 cash 埋單有 9 折來計 (即係免加一)，通常 40 零英鎊，價錢就係香港一間中高檔酒樓消費。又咁講，出去食次西餐都咁上下價錢，啦其實唔算貴，間唔少 comfort 一下點都要啦。
最Hit
酒樓舖位丟空半年大幅議價？原為米芝蓮推介人氣粵菜 東主無奈：當日議價業主拒絕......
2025-11-12 16:06 HKT
前TVB「斯文男神」貼地搭地鐵悠然自得 身上一特徵超顯眼極可惜 淡出幕前轉做廚師
2025-11-12 17:00 HKT
地域強者 全球挑戰 首個獲「M」品牌認可電競賽事BLAST Premier Rivals 8支參賽戰隊揭曉
2025-11-12 00:00 HKT
觀塘夜市開鑼！一連17日免費入場 設30美食攤位 台灣夜市攤販參展 必試鐵板魷魚/大腸包小腸（附地址/開放時間）
2025-11-11 15:28 HKT
「順嫂」梁葆貞加國返港避寒 精靈現身飯局與老友聚舊 狀態不似年近九十
2025-11-12 13:00 HKT
健康PRO｜成人奶粉變健康陷阱 專家教你點揀真健康奶粉
2025-11-11 16:42 HKT
內地客搭的士遭兜路+收天價！司機不滿投訴竟鎖車折返原地 事主報警+沿途做3事終成功解決
2025-11-12 16:20 HKT
