英國家庭的燈飾美學

移英港媽生活分享

2021-12-16 10:56 HKT

內容

雖則聖誕好大，但都唔係家家會布置聖誕，始終英國係多種族多元文化國家，像印度人或者中東人就未必會把門面粉飾應節。但一旦個家庭認真布置起來，真係唔講得少，好似去咗廸士尼小鎮大街咁。

以前喺香港，聖誕布置大多數都係放棵聖誕樹，掛吓聖誕襪，始終窩居 size 有限嘛。咁英國人屋企又點布置？一係外面不著任何痕跡，一係可以好似小鎮大街啲屋仔咁吸睛！掛個 wreath 聖誕環在門口是基本，將間屋由屋頂開始圍滿燈飾，門前庭園放上幾枝發光「士的」、鹿仔、雪人，仲有窗前的閃星、聖誕樹，原來仲可以搞埋屋身有聖誕投射！入冬後每日 4 點幾就一天黑晒，跟住上演亮燈儀式，真係晚晚有燈飾睇。去第二區探朋友，又可以欣賞一下其他家庭的布置，個人覺得呢個都係幾好嘅節目。之前見到有報導，Arnold 呢個小區有幾條街直頭搞咗個小區 light show，每間屋都花晒心思粉飾，既有 community spirit 又超好氣氛。(Arnold Light show : https://fb.watch/9V-grq8m8H/)