KellyChu - 港台太陽計劃新疆參訪圓滿結束 106小記者體驗風土人情建友誼 | Executive日記
KellyChu
7小時前
字體大小
香港電台年度大型暑期活動「太陽計劃2026」，今年以「文旅小記者」為主題，吸引106位中學生參加。佢哋於本月3日至9日，深入新疆維吾爾自治區，親身探索呢片地大物博嘅土地，用鏡頭將所見所聞記錄，並製作成影片，透過年輕人嘅視角，向世界展現新疆嘅面貌。
106位學生在新疆參訪咗多個文化景點和進行研學。其中嚟自荃灣官立中學嘅中四學生梁嘉欣分享，「太陽計劃俾咗好多機會我哋去接觸新疆不同領域嘅發展，例如我哋去咗蟠桃園摘桃，幫助我哋更具體認識新疆嘅文化和風土人情。」當中參觀石河子143團棉田，亦令學生對國家嘅產業發展有全新認識，「當我去完棉田，再聽完導遊講解，先知原來新疆棉花對全國發展咁重要，人民幣有9成都係用新疆棉花製造。」
佢仲提到，新疆人嘅熱情令人難忘，「無論去邊度，當地人一聽到我哋嚟自香港，都會話『我哋都好鍾意香港』，今次活動真係促進咗新疆同埋香港嘅文化交流。」
廣播處長關婉儀表示，港台一直重視青年發展，希望透過太陽計劃，讓青年人親身瞭解國家歷史文化同發展情況，同時亦能喺呢趟旅程中收穫友誼，「希望呢粒種子擺喺佢哋心入面，佢哋自己多探索，多去認識我哋嘅國家。」
KellyChu
荃灣官立中學學生梁嘉欣(右一)說，活動促進新疆與香港嘅文化交流。
更多文章
