KellyChu - 動漫電玩節7·24灣仔會展開鑼 破天荒擴3館 「漫畫藝廊」吸粉絲 | Executive日記
KellyChu
4小時前
字體大小
各位動漫電玩迷好消息，一年一度嘅「香港動漫電玩節」將於今個月24至28號，喺灣仔會展強勢回歸。Kelly了解到，今年展場規模破天荒橫跨三個館，仲新增兩大主題區，由懷舊玩到潮流，一次過滿足晒大家所有願望！
今屆動漫節陣容龐大，集結咗201個參展商同689位個人參展商。大會仲首設兩大全新展區，其中「發掘島」主打尋寶樂趣，集合世界各地嘅潮流玩具、懷舊經典、珍貴漫畫手稿同罕見人型Figure。最特別嘅係，大會仲請嚟著名導演彭順，展出佢由50到80年代儲落嘅私人珍藏玩具，畀大家一次睇過癮。
漫畫迷記得唔好錯過「ComixPop」展區，有近40位本地漫畫殿堂級大師強勢列陣，包括獲獎漫畫家曹志豪，現場會展示佢哋嘅新書、原創周邊同珍貴漫畫原稿。場內仲設有「漫畫藝廊」同互動環節，等各位紛絲可以同偶像近距離交流，甚至參與其中。
KellyChu
更多文章
