KellyChu - 动漫电玩节7·24湾仔会展开锣 破天荒扩3馆 「漫画艺廊」吸粉丝 | Executive日记
KellyChu
5小時前
字体大小
各位动漫电玩迷好消息，一年一度嘅「香港动漫电玩节」将于今个月24至28号，喺湾仔会展强势回归。Kelly了解到，今年展场规模破天荒横跨三个馆，仲新增两大主题区，由怀旧玩到潮流，一次过满足晒大家所有愿望！
今届动漫节阵容庞大，集结咗201个参展商同689位个人参展商。大会仲首设两大全新展区，其中「发掘岛」主打寻宝乐趣，集合世界各地嘅潮流玩具、怀旧经典、珍贵漫画手稿同罕见人型Figure。最特别嘅系，大会仲请嚟著名导演彭顺，展出佢由50到80年代储落嘅私人珍藏玩具，畀大家一次睇过瘾。
漫画迷记得唔好错过「ComixPop」展区，有近40位本地漫画殿堂级大师强势列阵，包括获奖漫画家曹志豪，现场会展示佢哋嘅新书、原创周边同珍贵漫画原稿。场内仲设有「漫画艺廊」同互动环节，等各位纷丝可以同偶像近距离交流，甚至参与其中。
KellyChu
更多文章
