胡慧沖 - 香港最難訂私房菜登陸曼谷 | 筆泰沖動
胡慧沖
1小時前
字體大小
講到香港近年來最難訂位嘅私房菜，相信唔少人都會諗起東煮友喜，據聞熱門時段隨時要排隊輪候超過兩年，想食一餐真係唔容易。不過而家有個好消息，東煮友喜現已正式進軍曼谷，並聯同香港著名粵菜品牌文苑（Chef Man）合作，將香港人氣私房菜原汁原味帶到泰國。
曼谷店嘅最大優勢，除咗唔使苦等兩年之外，地方亦比香港更加寬敞舒適，而且特別增設午市時段，令更多食客有機會一嘗其招牌菜。價錢方面與香港相若，但菜單就加入咗部分香港店未有供應嘅特色菜式。
當中最令人驚喜嘅一定係燒乳鴨，外皮香脆、肉質細嫩，味道有幾分似燒乳鴿，但因為乳鴨體形更大、口感更豐富，所以食落更加Juicy、更有滿足感，絕對值得一試。
如果你一直想試呢間私房菜，又唔想等上兩年先有位，咁下次嚟曼谷不妨親身感受一下。比起喺香港排隊，飛一轉曼谷隨時仲快食得到！
胡慧沖
最Hit
