胡慧冲 - 香港最难订私房菜登陆曼谷 | 笔泰冲动
胡慧冲
1小時前
字体大小
讲到香港近年来最难订位嘅私房菜，相信唔少人都会谂起东煮友喜，据闻热门时段随时要排队轮候超过两年，想食一餐真系唔容易。不过而家有个好消息，东煮友喜现已正式进军曼谷，并联同香港著名粤菜品牌文苑（Chef Man）合作，将香港人气私房菜原汁原味带到泰国。
曼谷店嘅最大优势，除咗唔使苦等两年之外，地方亦比香港更加宽敞舒适，而且特别增设午市时段，令更多食客有机会一尝其招牌菜。价钱方面与香港相若，但菜单就加入咗部分香港店未有供应嘅特色菜式。
当中最令人惊喜嘅一定系烧乳鸭，外皮香脆、肉质细嫩，味道有几分似烧乳鸽，但因为乳鸭体形更大、口感更丰富，所以食落更加Juicy、更有满足感，绝对值得一试。
如果你一直想试呢间私房菜，又唔想等上两年先有位，咁下次嚟曼谷不妨亲身感受一下。比起喺香港排队，飞一转曼谷随时仲快食得到！
胡慧冲
最Hit
