KellyChu - 台客輕鐵跌銀包 站長SMS教路 驚喜尋回發文﹕謝謝香港 | Executive日記
KellyChu
1小時前
字體大小
小妹認為，去陌生地方旅行，同當地人接觸嘅經驗，會直接成為對嗰個地方嘅印象。近日就有一位台灣網友分享喺香港唔見咗銀包失而復得嘅經歷。佢表示，自己喺香港獨旅期間於輕鐵上遺失銀包，當心急苦惱之際，竟然收到輕鐵員工以SMS方式傳短訊畀佢，仲教佢點樣去客務中心領取失物。事主最終喺離開香港最後一日成功拎返銀包，大讚「謝謝你香港」。
事件中嘅台灣旅客喺社交平台分享呢段經歷，指佢於回程前一晚搭輕鐵返酒店，但過咗幾個鐘先發現銀包唔見咗，於是去返輕鐵站尋找，但一無所獲。當佢翌日瞓醒仍苦惱之際，收到有人傳SMS短訊問佢係咪唔見咗銀包，對方表明身份指自己係輕鐵嘅站長，請事主可以到屯門碼頭總站客務中心拿回銀包，又話唔見咗證件會好麻煩，仲教事主到時可以直接搭機場巴士A33到機場離港。事主本身亦有喺銀包留低自己聯絡方式，形容是次經歷令佢「第一次獨旅完美落幕」，並表示「我會再去香港玩的，謝謝你Hong Kong。」
KellyChu
最Hit
更多文章
