KellyChu - 台客轻铁跌银包 站长SMS教路 惊喜寻回发文﹕谢谢香港 | Executive日记
KellyChu
1小時前
字体大小
小妹认为，去陌生地方旅行，同当地人接触嘅经验，会直接成为对𠮶个地方嘅印象。近日就有一位台湾网友分享喺香港唔见咗银包失而复得嘅经历。佢表示，自己喺香港独旅期间于轻铁上遗失银包，当心急苦恼之际，竟然收到轻铁员工以SMS方式传短讯畀佢，仲教佢点样去客务中心领取失物。事主最终喺离开香港最后一日成功拎返银包，大赞「谢谢你香港」。
事件中嘅台湾旅客喺社交平台分享呢段经历，指佢于回程前一晚搭轻铁返酒店，但过咗几个钟先发现银包唔见咗，于是去返轻铁站寻找，但一无所获。当佢翌日瞓醒仍苦恼之际，收到有人传SMS短讯问佢系咪唔见咗银包，对方表明身份指自己系轻铁嘅站长，请事主可以到屯门码头总站客务中心拿回银包，又话唔见咗证件会好麻烦，仲教事主到时可以直接搭机场巴士A33到机场离港。事主本身亦有喺银包留低自己联络方式，形容是次经历令佢「第一次独旅完美落幕」，并表示「我会再去香港玩的，谢谢你Hong Kong。」
KellyChu
最Hit
更多文章
