KellyChu - AI宠物Mirumi嚟到香港 带埋「领养证书」陪你出街 | Executive日记
KellyChu
1小時前
字体大小
日本新创公司Yukai Engineering研发嘅AI宠物「Mirumi」去年亮相后喺日本爆红，更被外媒点名为继Labubu之后嘅下一个宠儿。Mirumi其实系一个「互动机械人挂饰」，佢拥有毛茸茸嘅外形，以及像树獭一样嘅长臂，可以紧扣于手袋作为挂饰出行，或紧贴于人类嘅手臂上抱实你。而当Mirumi侦测到人类摸佢或者望佢，更会因为怕羞而低头收埋自己或转身，非常可爱疗愈！
最近香港连卡佛获得Mirumi独家发售权，每只价格约港币$1175元。想带Mirumi返屋企嘅主人会获得一份「领养证书」，作为彼此专属羁绊嘅正式见证。Mirumi有粉红色、象牙白及灰色3只颜色，每种颜色都代表住唔同性格，「领养人」可按个人喜爱选择最能产生共鸣嘅色调。将呢只AI宠物带出街，就好似带咗一只有生命嘅小伙伴喺身边，为主人带来满满情绪价值，难怪大家咁喜欢。
KellyChu
最Hit
更多文章
