KellyChu - High爆DJ休閒拼貼齊狂歡 鄉議局慶生搞廣東歌派對 | Executive日記
KellyChu
2小時前
字體大小
為咗慶祝新界鄉議局成立一百周年，新界鄉議局大樓喺嚟緊星期四至星期日，將會變身「新界鄉議局100周年音樂文化節」。一連4日嘅嘉年華內容豐富至極，無論係想感受街坊情誼、熱愛音樂嘅年輕人，定係想趁放假行街放鬆下嘅上班族，都總有一款活動啱你參加！
今次文化音樂節最吸引嘅地方，莫過於可以近距離感受音樂力量。由本地饒舌歌手、樂隊到最強DJ陣容應有盡有！最近大受歡迎嘅「廣東歌派對」會火熱登場，活動邀請到香港傳奇DJ Galaxy 與DJ Tommy，將經典旋律注入電音節奏，聽講氣氛會High爆全場，大家千祈唔好錯過喇！首兩天嘅表演門票可於BOOKYAY網站預先登記，現場亦設少量名額。
一家大細都啱玩
除咗精彩表演，大家仲可以喺中庭同天井位置，欣賞到各項不同範疇嘅比賽；以及最近超受大人小朋友歡迎嘅「爆旋陀螺」比賽，氣氛熱烈！想玩啲靜態活動嘅話，中庭位置仲設有「彩色拼貼工作坊」。記得mark低日子，去石門湊下熱鬧，一齊同鄉議局慶祝呢個大日子喇！
KellyChu
最Hit
