KellyChu - High爆DJ休闲拼贴齐狂欢 乡议局庆生搞广东歌派对 | Executive日记
KellyChu
1小時前
字体大小
为咗庆祝新界乡议局成立一百周年，新界乡议局大楼喺嚟紧星期四至星期日，将会变身「新界乡议局100周年音乐文化节」。一连4日嘅嘉年华内容丰富至极，无论系想感受街坊情谊、热爱音乐嘅年轻人，定系想趁放假行街放松下嘅上班族，都总有一款活动啱你参加！
今次文化音乐节最吸引嘅地方，莫过于可以近距离感受音乐力量。由本地饶舌歌手、乐队到最强DJ阵容应有尽有！最近大受欢迎嘅「广东歌派对」会火热登场，活动邀请到香港传奇DJ Galaxy 与DJ Tommy，将经典旋律注入电音节奏，听讲气氛会High爆全场，大家千祈唔好错过喇！首两天嘅表演门票可于BOOKYAY网站预先登记，现场亦设少量名额。
一家大细都啱玩
除咗精彩表演，大家仲可以喺中庭同天井位置，欣赏到各项不同范畴嘅比赛；以及最近超受大人小朋友欢迎嘅「爆旋陀螺」比赛，气氛热烈！想玩啲静态活动嘅话，中庭位置仲设有「彩色拼贴工作坊」。记得mark低日子，去石门凑下热闹，一齐同乡议局庆祝呢个大日子喇！
KellyChu
最Hit
