KellyChu - 中學生各出奇謀「開舖」 sell創意賣校園產鹹柑桔 | Executive日記
KellyChu
2026-03-16 02:00 HKT
字體大小
中學生唔單止識讀書，做生意也好耍家！年度「趁墟做老闆」活動一連三日在鑽石山荷里活廣場舉行，至昨日圓滿結束。來自逾50間中學嘅同學模擬創業，一手包辦起草計劃書、定價、制訂營銷策略及尋找供應商，最終通過各自攤位，售賣近250款特色產品。Kelly到場見到，同學們各出奇謀吸客，大膽推介自家創意產品，真係好犀利！
大會舉辦方事前為與會同學提供團隊領導力、設計思維與財務規劃等培訓，邀請行業精英做分享，並設置「3分鐘銷售挑戰賽」，由大圍五育中學奪冠。該校5C班同學吳欣彤介紹：「參加「趁墟做老闆」展銷會，對我哋五育中學團隊來說，係一場從學校天台有機花園到銷售現場嘅奇幻旅程。」、「我哋嘅產品『柑日飲咗未』，主打自家種植嘅有機鹹柑桔，將校園耕作收成帶到大眾目光之中，呢瓶鹹柑桔不只係商品，更係我哋親手灌溉、採摘和醃製嘅心血。睇住顧客對我哋嘅產品展露驚喜，那份成就感遠超金錢回報。活動讓我哋實踐了真正嘅商業運作。每一步都考驗住我們嘅溝通與解難能力。」
吳同學仲特別感謝夥伴機構會德豐地產，「15年來對我哋嘅支持，這份『柑』甜，將會是我哋最難忘嘅回憶，永伴我哋嘅成長之路。」
KellyChu
最Hit
香港人自帶「特殊味道」？小紅書熱議港鐵/商場都聞到 網民揭原因：係勤力同生活習慣的味道
2026-04-07 16:11 HKT
千里報恩︱湖南女財困向江蘇男筆友借¥1200應急 30年後欲還¥2萬遭婉拒
2026-04-07 07:30 HKT
更多文章
