胡慧沖 - 芭堤雅又有新酒店 | 筆泰沖動
胡慧沖
2小時前
字體大小
剛剛入住了七個月前開業的Meliá Pattaya Hotel。這是西班牙品牌Meliá旗下的度假酒店，位置喺芭堤雅東海灘路後面熱鬧的第二街，酒店前身是另一間舊品牌酒店拆卸後重新起過，令人耳目一新，地點也算方便，購物、食肆同夜生活都在附近，酒店設計走藍白色加木質調，充滿臨海同地中海氣息。
最吸引嘅地方係房間設計同景觀。全酒店大約有二百三十幾間客房，大多數房型都可以望到海景，無論係清晨光線、黃昏日落，定係夜晚燈火，都能夠喺房內或私人露台欣賞到芭堤雅海岸線嘅美景。部分房間仲能夠同時兼顧泳池或園景，住客幾乎毋須特登走落街，就可以享受悠閒景致。房內布置以簡約自然為主，設備新淨，枕頭床鋪都好柔軟舒適，乾淨度與實用性都不錯。
酒店設施唔算浮誇，但夠齊全。戶外泳池雖然面積唔大，但環境優雅，頂樓設有酒吧，擁有超過270度嘅景觀，可以邊飲嘢邊欣賞海景。餐飲方面，除咗國際自助餐廳，仲有中菜廳，樓層高高在上，同樣能夠望住海景用餐，係芭堤雅之內罕有嘅高高在上中菜餐廳。
總括來說酒店最大亮點在於房間嘅海景設計，幾乎每位住客都能享受到「一打開窗就見到大海」嘅度假體驗，呢個就係佢最迷人之處。
胡慧沖
