KellyChu - 與網壇猛將周末戰烏茲別克黃澤林出征台維斯盃「幫香港贏波」 | Executive日記

KellyChu

14小時前

內容

呢個周末，Kelly請大家一齊撐香港嘅年輕網球手！黃澤林（Coleman Wong）喺美網打出港將史上最佳戰績，呢個周末會披上港隊戰衣，聯同一班年輕球手，包括分別17歲同19歲嘅朱鍇泓同王子夫，喺維園網球場舉行嘅台維斯盃（Davis Cup），迎戰烏茲別克。Coleman好鍾意港人為佢打氣，佢亦好肯定咁話：「希望幫到香港贏波。」

　　港隊陣容勁強大，Coleman會夥拍隊長余曉東，以及鄭肇致、王子夫、黃俊鏗同朱鍇泓，喺主場迎戰5號種子烏茲別克。

　　呢場賽事好關鍵，贏出嘅隊伍將會晉級到明年2月嘅世界I組附加賽。Coleman提到，台維斯盃設有隊制比賽，比起平時自己打個人賽完全唔同，加上有咁多球迷支持，興奮之餘，更希望「幫到香港贏到波」！

　　本港網壇新星將登場，包括香港男子青少年排名第一嘅港網生力軍鄭肇致；19歲就第二次披上港隊戰衣出戰台維斯盃嘅王子夫；多次喺台維斯盃雙打贏波嘅中堅黃俊鏗；仲有首次獲選代表香港出戰、年僅17歲嘅朱鍇泓，佢之前喺青年賽中嶄露頭角。

　　王子夫形容有主場之利，係港隊嘅大優勢；而Coleman直言，大家辛苦練習，希望港人多多支持。Kelly一定為呢班後生仔吶喊歡呼。

KellyChu