KellyChu - 与网坛猛将周末战乌兹别克 黄泽林出征台维斯杯「帮香港赢波」 | Executive日记
KellyChu
2025-09-09 02:00 HKT
字体大小
呢个周末，Kelly请大家一齐撑香港嘅年轻网球手！黄泽林（Coleman Wong）喺美网打出港将史上最佳战绩，呢个周末会披上港队战衣，联同一班年轻球手，包括分别17岁同19岁嘅朱锴泓同王子夫，喺维园网球场举行嘅台维斯杯（Davis Cup），迎战乌兹别克。Coleman好钟意港人为佢打气，佢亦好肯定咁话：「希望帮到香港赢波。」
港队阵容劲强大，Coleman会伙拍队长余晓东，以及郑肇致、王子夫、黄俊铿同朱锴泓，喺主场迎战5号种子乌兹别克。
呢场赛事好关键，赢出嘅队伍将会晋级到明年2月嘅世界I组附加赛。Coleman提到，台维斯杯设有队制比赛，比起平时自己打个人赛完全唔同，加上有咁多球迷支持，兴奋之余，更希望「帮到香港赢到波」！
本港网坛新星将登场，包括香港男子青少年排名第一嘅港网生力军郑肇致；19岁就第二次披上港队战衣出战台维斯杯嘅王子夫；多次喺台维斯杯双打赢波嘅中坚黄俊铿；仲有首次获选代表香港出战、年仅17岁嘅朱锴泓，佢之前喺青年赛中崭露头角。
王子夫形容有主场之利，系港队嘅大优势；而Coleman直言，大家辛苦练习，希望港人多多支持。Kelly一定为呢班后生仔呐喊欢呼。
KellyChu
黄泽林（左四）与一众港将周末出战台维斯杯。
最Hit
更多文章
