KellyChu - 主打韓國菜式 優惠價50元 聖安娜餅屋新店進軍兩餸飯市場 | Executive日記
KellyChu
2025-09-01 02:00 HKT
字體大小
消費降級，兩餸飯成行成市，越開越多，連喺香港坐擁過百間分店嘅聖安娜餅屋，最近也於太子新門店推出兩餸飯，並主打韓國菜式例如泡菜煎餅、醬炸雞塊、雜菜粉絲等，優惠價盛惠50元。學者估計聖安娜餅屋此舉或係試水溫，有利可圖再擴展至其他分店。
太子新開的聖安娜餅屋近日在網上獲大家熱烈討論，作為傳統餅店不但進軍兩餸飯市場，更有別於一般對手以中式家常小菜招徠，主打約十款韓式自選餸菜，每日例湯則是海帶豆腐湯。餐牌上名稱叫作「自選便當」，原價68元，新張優惠50元，每日早上11點後供應。飲品方面暫時只可揀奶茶或咖啡，需另加十多元。店內也有提供少許堂食座位。
唔少網民表示，買得兩餸飯都係希望平平地又一餐，68元定價似乎偏高。不過有試食過嘅市民就讚味道唔錯，而韓式菜式亦與其他兩餸飯店舖區分客源，認為都有一定競爭力。亦有市民坦言不認同係因為生意難做，商家都應該檢討下如何改變經營策略，吸引更多客人。
有學者分析認為，糕餅市場競爭激烈，相信聖安娜餅屋為求生而進攻兩餸飯行列，直言「返工日日都要食飯，但麵包西餅月餅唔係必需品」；估計聖安娜餅屋今次先試水溫，如果真係有利可圖，日後再考慮擴展至其他分店。
KellyChu
聖安娜餅屋於太子開設全新概念店，並推出韓式兩餸飯。
更多文章
