KellyChu - 睇騷不忘推動環保 啟德園回收紙杯降解造肥 | Executive日記
KellyChu
2025-08-21 02:00 HKT
字體大小
每次去啟德體育園，大家都開心睇波同睇演唱會，唔講唔知，依家睇騷之餘，仲可以順手推動環保！身為環保小先鋒嘅Kelly，去過一場演唱會之後，知道啟德體育園將「綠色理念」融入每個細節，唔單止設置大型回收箱，仲將廚餘、膠樽分解再利用，過程井井有條，唔會白白送去堆填區。
今年啟用嘅啟德體育園可以容納5萬人，舉行過多場世界級演唱會同運動賽事。唔少人以為啲觀眾飲食杯碟會造成浪費，但Kelly話俾大家知，係唔會發生嘅。小妹踏入啟德體育園睇演唱會，見到飲品唔採用傳統嘅膠杯，而係使用對地球友善、有環保認證嘅可降解紙杯，餐具亦使用木質或竹製品，連紙巾都係竹漿紙製成。唔少觀眾亦自覺將用完嘅紙杯、餐具放入大型分類回收箱，而場內回收大使仲會熱情解答大家嘅疑問㗎。
到睇完演唱會離場，收集到嘅廚餘同紙杯會送去專設系統作微生物分解，變成堆肥再用嚟保養園景。呢套系統每年可以處理超過200噸廢物，仲有8成以上會變成水蒸氣消失得無影無蹤，可以講係「化腐朽為神奇」！至於膠樽方面，園方聯同環保公司碧瑤搞咗個回收計劃，將膠樽變返做高質rPET薄片，之後再生產新膠樽，實行可持續發展。以後去啟德體育園，記住唔好睇小你手上嗰個紙杯同膠樽，搵吓身邊嘅回收箱，一齊推動環保。
KellyChu
系統每年可處理逾200噸廚餘及紙製容器。
最Hit
陳自瑤前男友夫婦罕放閃 曾被斥消費前度 台妻係巨星御用排舞師 老婆與舊愛撞名
2025-08-21 18:20 HKT
67歲TVB「金牌綠葉」嚮往內地生活 直認心儀中山佛山肇慶 為未來北上發展鋪路？
2025-08-21 11:00 HKT
更多文章
