KellyChu - 睇骚不忘推动环保 启德园回收纸杯降解造肥 | Executive日记
KellyChu
2025-08-21 02:00 HKT
字體大小
每次去启德体育园，大家都开心睇波同睇演唱会，唔讲唔知，依家睇骚之余，仲可以顺手推动环保！身为环保小先锋嘅Kelly，去过一场演唱会之后，知道启德体育园将「绿色理念」融入每个细节，唔单止设置大型回收箱，仲将厨余、胶樽分解再利用，过程井井有条，唔会白白送去堆填区。
今年启用嘅启德体育园可以容纳5万人，举行过多场世界级演唱会同运动赛事。唔少人以为啲观众饮食杯碟会造成浪费，但Kelly话俾大家知，系唔会发生嘅。小妹踏入启德体育园睇演唱会，见到饮品唔采用传统嘅胶杯，而系使用对地球友善、有环保认证嘅可降解纸杯，餐具亦使用木质或竹制品，连纸巾都系竹浆纸制成。唔少观众亦自觉将用完嘅纸杯、餐具放入大型分类回收箱，而场内回收大使仲会热情解答大家嘅疑问㗎。
到睇完演唱会离场，收集到嘅厨余同纸杯会送去专设系统作微生物分解，变成堆肥再用嚟保养园景。呢套系统每年可以处理超过200吨废物，仲有8成以上会变成水蒸气消失得无影无踪，可以讲系「化腐朽为神奇」！至于胶樽方面，园方联同环保公司碧瑶搞咗个回收计划，将胶樽变返做高质rPET薄片，之后再生产新胶樽，实行可持续发展。以后去启德体育园，记住唔好睇小你手上𠮶个纸杯同胶樽，揾吓身边嘅回收箱，一齐推动环保。
KellyChu
系统每年可处理逾200吨厨余及纸制容器。
最Hit
更多文章
