KellyChu - 咁快一歲生日啦 大熊貓孖寶天星小輪陪你暢遊維港 | Executive日記
KellyChu
16小時前
字體大小
香港土生的第一對大熊貓龍鳳胎「加加」和「得得」，明天就一歲生日啦，咁高興嘅日子，當然要大肆慶祝。海洋公園聯同文體旅局、旅發局，一齊推出「大熊貓龍鳳胎生日特別版天星小輪」，大家記得把握機會同Q版嘅「加加」、「得得」打卡留念，跟住佢哋暢遊維港。
作為全港首對大熊貓龍鳳胎，「加加」、「得得」一出世就備受萬千寵愛。今個禮拜五就係呢對國寶周歲生日喇，呢個大日子，梗係要全城一齊賀賀佢！由昨日到10月12日，大熊貓龍鳳胎會化作維多利亞港兩隻Q版公仔守護神，喺灣仔來往尖沙咀，同埋中環來往尖沙咀兩條航線嘅天星小輪陪伴大家。
唔止天星小輪，旅發局同尖沙咀遊客中心都預備咗一系列裝飾，讓遊客感受歡欣鼓舞嘅節日氣氛，同「加加」、「得得」講聲：「生日快樂！」
KellyChu
