KellyChu - 每小時最大排水800立方米 「龍吸水」斜坡樓梯無礙執勤 | Executive日記
KellyChu
19小時前
字體大小
極端天氣帶來大暴雨，當局引入機械人「龍吸水」疏導街上積水，減少水浸擾民。究竟「龍吸水」有幾大威力？Kelly昨天親身體會，「龍吸水」行動靈活，唔單止可以喺平地執勤，仲可以爬斜坡、爬樓梯、過水路，環境適應性強，佢拖住兩條猶如「龍尾」的水管，就可以施展吸水大法。
渠務署人員話，「龍吸水」設10個排水等級，最低等級排水效率等於最高等級的4成，而昨天示範期間，就使用第3級排水，兩條管道一條係吸水口，另一條係排水口，唔使一分鐘「積水」就吸到去數十米開外嘅雨水井。
每當回憶起以前拎住傳統的手提排水泵，每小時只可以排幾十個立方米水，渠務署高級工程師（北區）陳卓宗都露出苦笑。𠵱家有呢個「龍吸水」每個鐘頭最大可以排水800立方米，快咗好多。
「龍吸水」仲有「同伴」，有3部體積較小的排水機械人被命名為「小禹」，在今年4月跟隨「龍吸水」成為排水助力，其中「小禹一號」更係可以水陸兩用，彌補「龍吸水」最大涉水深度60厘米的限制。署方表示，仲有3台「龍吸水」將入境服役，未來大雨也有佢哋幫手疏導大水，真好。
KellyChu
