KellyChu - 學生作品有機會首爾展出 世一韓籍花藝大師Alex來港獻技 | Executive日記
KellyChu
2025-08-01 02:00 HKT
字體大小
原來香港有唔少喜歡花藝嘅朋友，更會四出訪尋名師！最近Kelly得悉，一位韓國籍花藝大師徇眾要求三度來香港獻技開班授徒。這位花藝大師原來是男士，名Alex Choi，喺花藝界差不多30年，享負盛名，跟佢學藝嘅學生分布於世界各地，Alex獲獎無數，更獲得FTD World Cup世界第一名！
Alex擅長於以精湛技藝打造驚艷嘅結構設計，作品風格既純粹簡約，又融入對大自然的深刻體悟，展現出獨樹一幟的花藝美學。他親自教授花藝不是一、兩小時嘅事情，連續4天課程為學員帶來一場充滿創意與巧思的花藝設計體驗。大師更加特別傳授人體花藝設計嘅技巧。為了保持質素，Alex雖然專程來港，但也堅持是小班教授。呢個課程有考試，學員嘅作品將獲邀在首爾的獨家展覽中展出，並與Alex大師的壓軸作品同場呈現。
Alex每次來港也頗低調，是次來港開班，一早爆滿。市道雖然艱難，但為了增進學識又滿足心頭好而花上5位數字上堂嘅人也不少。據聞這一類課程在香港非常罕有，喜愛花藝嘅朋友要留意啦。
KellyChu
Alex擅長打造驚艷嘅結構設計。
更多文章
