胡慧沖 - 非一般的電影宣傳 | 筆泰沖動
胡慧沖
2025-07-04 02:00 HKT
字體大小
經常說泰國的電影製作，尤其是後期製作和周邊製作其實都十分有名，世界各地都有電影團隊用泰國的攝製隊和器材來拍攝電影，甚至乎後期製作。連我哋香港嘅古老闆都有間公司喺呢度，負責佢哋電影嘅配音同各方面的後援。
查實電影和劇集宣傳方面，泰國亦都非常之有名，遇着剛剛《魷魚遊戲》新一季在影視串流平台推出，泰國就成為一個重點宣傳的地方，在曼谷大會堂外面這裏有英熙、哲秀兩個超巨型公仔，再加上劇集中出現的繩子。兩個大公仔就如機械人一樣讓繩子擺動，市民就可以喺度跳繩，真的十分有趣！既成為傳媒焦點，亦都帶給市民很多歡樂。
同時間適逢《侏羅紀世界》新戲上映，竟然喺昭拍耶河之上特別放置「恐龍」浮出水面，吸引遊人爭相拍照，創作力量同幻想真係會嚇你一跳！嚟緊《超人》大電影亦都會喺泰國上映，已知嘅就係佢嘅爆谷盒同埋汽水杯都好正斗，咁究竟仲有甚麼伎倆來配合宣傳呢？會否好像倫敦一樣，在某高樓大廈之上掛一個超人上去代表佢正在飛緊呢？暫時仍未有資料，但估計一定會有啲嘢！總之泰國嘅電影宣傳活動一定唔會令大家失望。
一個住在曼谷超過十年的香港人，人稱泰國通。
胡慧沖
