胡慧沖 - 高級中菜過江龍 | 筆泰沖動
胡慧沖
2025-06-27 02:00 HKT
字體大小
一直以來在我的社交媒體都有一個很有趣的爭論議題，就是往往介紹一些較為高級的中餐，總有人會覺得：「我唔會嚟泰國食我屋企樓下都有嘅嘢囉……點解去到泰國都要食中餐，香港冇得食咩？」其實大家不妨睇遠少少，年輕人後生仔去泰國四日三夜日日食冬陰功、街邊河粉冇問題，但如果同長者一齊嚟嘅話，你會唔會覺得佢都想食返餐好嘅中餐呢？甚至乎對於某啲名人明星，嚟到泰國未必喜歡踎街邊享受地道草根風味，都想舒舒服服食餐好嘅。再者對於部分居泰港人及華人來說，總不會餐餐食冬陰功，所以介紹呢啲內容其實總有原因。
提起曼谷嘅高級中餐，除咗一眾酒樓之外，亦都有著名嘅文苑，同埋佢哋嘅龜竇私房菜，但最新冒起係來自內地品牌紫桂軒，上網一Check就知道來頭實在不小，也是米芝蓮星級質素，唔係猛龍唔過江，開到嚟曼谷市中心四面神旁邊嘅Gaysorn Amarin商場之上。
嗰日朋友請食飯去到，都有好多本地人光顧，反而遊客較少，食物質素和賣相毋庸置疑，而那個北京填鴨亦係小弟食過最好食的一次，大約3,000銖左右，那個鴨皮脆而有味道。老實說我並沒有加其他醬料和用餅皮包來吃，單食那個鴨皮已經係好好的享受，而他們的湯和前菜各方面亦都係色香味俱全。如果追求高質素的中菜，而又唔想喺酒店裏面食，呢度都係一個好好嘅選擇。
胡慧沖
最Hit
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
谷婭溦退出《中年好聲音4》評審團 網民反應兩極 接任人選引發熱議
2026-04-05 12:00 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT
更多文章
