KellyChu - 婦女能頂半邊天開心出行靠Jeny 楊美珍成港鐵首位女掌舵人 | Executive日記

Executive日記

KellyChu

16小時前

生活專欄

內容

常言道：「婦女能頂半邊天」，Kelly認為，以後可以改為：「開心出行靠Jeny」了。有50年歷史嘅港鐵喺昨日公布，由首位女士擔任行政總裁，佢就係多年來對提升鐵路服務功不可沒嘅現任常務總監（香港客運服務）楊美珍（Jeny）。由近年推動智慧出行，喺車站引入各類飲食消費小店，到高鐵服務推陳出新，都有Jeny嘅參與和身影，大家出行更便捷，亦都更加舒適。

　　Jeny將接替喺今年年底任期屆滿嘅行政總裁金澤培，由明年1月1日起掌管港鐵，為期3年。喺1999年加入港鐵嘅Jeny，係港鐵嘅老臣子，擔任過多個重要職位，包括2011至2021年間出任商務總監、2021年任客運服務總監，於2023年獲委任為常務總監（香港客運服務）。

　　對於接棒領導港鐵，Jeny說十分榮幸能夠肩負這項重任，「我懷着謙卑的心情，期望在公司現有堅實的基礎上，服務香港及港鐵所在的城市，並繼續為社會及各持份者創造價值。」她昨日下午就親身前往金鐘站接觸乘客，並聽取佢哋對港鐵嘅意見。

　　Jeny近年負責統籌高鐵香港段嘅發展，各綫路站點從原來嘅61個增加到現時超過90個，高鐵服務又推陳出新。她又帶領團隊創造關愛共融嘅乘車環境，增設無障礙通道、飲水機、洗手間等設施，滿足乘客嘅需求，並早在2010年推出MTR Mobile手機應用程式，亦積極引入多種電子支付方式，優化鐵路服務。

　　於2000年代初期，她帶領團隊透過車站翻新工程擴大商店面積，首次引進外賣飲食商店，例如率先在金鐘站開設星巴克咖啡店，並陸續在不同車站加入快餐、涼茶、甜品等商舖。另一方面，佢亦致力推動車站廣告數碼轉型，令現時港鐵網絡擁有逾42000個廣告點。

KellyChu