KellyChu - 擲骰抽獎贏機票 西九M+飛 「亞洲萬里通」里數 「沉浸式之旅」登陸滬 互動光影盡顯港魅力 | Executive日記
KellyChu
6小時前
字體大小
為咗令更多人體會到香港嘅城市魅力，吸引不同地方嘅人來港旅遊及工作，政府新聞處去年起推出「香港─沉浸式之旅」巡迴展覽，到外國和國內不同城市舉辦。展覽最近去到上海，除咗以沉浸式互動光影展示香港城市景色，更有互動擲骰遊戲大玩抽獎，參與者有機會贏得上海香港來回機票、西九M+或故宮館門票，好抵玩！
是次展覽喺上海新天地時尚一期舉行，室內部分可以體驗沉浸式互動光影展，走入其中將被香港不同城市光影元素包圍，例如中環嘅街景，維港繁華嘅夜景，以及巴士和港鐵站等香港日常場景，濃濃港味。仲有大熊貓動畫介紹香港6隻國寶。室外部分亦設置不同打卡位，包括用香港卡通插畫為主題嘅城市布景，好得意。
正值上海西九文化周舉行，西九亦通過今次展覽希望令更多上海人認識西九，在展覽期間加入互動擲骰抽獎遊戲，擲中3粒骰仔都係WestK logo可贏得國泰贊助送出嘅上海香港來回機票，呢份大獎每日只有一次機會！其他獎品同樣吸引，包括有機會獲「亞洲萬里通」里數、西九M+或故宮館門票，連西九行政總裁Betty也玩埋一份，好有氣Fun。
政府新聞處總新聞主任（海外關係）黃孟貞話，上海站之後佢哋亦會到青島和成都舉辦「香港─沉浸式之旅」巡迴展覽，未來兩個城市嘅展覽內容就唔劇透喇，大家請期待。政府為推廣香港吸引力，可以話係落足工夫呢。
KellyChu
大熊貓動畫介紹香港6隻國寶。
西九行政總裁Betty大玩擲骰遊戲。
最Hit
更多文章
