KellyChu - 全城瘋搶10蚊九件麥樂雞 麥當勞暖男愛心助婆婆 | Executive日記
KellyChu
5小時前
字體大小
麥當勞今個星期一連7日做優惠，星期一推出$10九件麥樂雞，受歡迎程度更達至全城瘋搶，多間麥當勞被逼爆。有港男在Threads分享指，佢當時喺麥當勞準備落單，見到一位婆婆一手拎住枴杖雨傘，一手握住張$10紙，問佢可唔可以幫忙買麥樂雞，佢於是立即伸出援手，仲呼籲大家多幫幫唔熟悉使用智能手機嘅長者，非常warm！
麥當勞規定要以手機APP使用$10九件麥樂雞優惠，事主便用自己手機幫婆婆完成下單並付款。佢表示本身都想請婆婆享用，但婆婆堅決要自行付費，期間更不斷說「你已經幫咗我好多，沒齒難忘」，搞到佢眼濕濕。事主亦呼籲更多人關心身邊老人家，指隨着人口老化相信問題會越來越大。
網民大讚港男有愛心，「相信婆婆最開心唔止有麥樂雞食，最開心係有人關心同幫佢哋」。甚至有麥當勞員工現身分享，表示「每次見到長者嚟問，我都會幫」。
KellyChu
最Hit
更多文章
