KellyChu - 榴槤搭巴士「臭暈」車長 惹乘客罵戰 | Executive日記
KellyChu
2025-06-10 02:00 HKT
字體大小
榴槤有人好有人唔好，日前有網民目擊城巴車長要求攜帶榴槤嘅乘客落車，車長表示：「有榴槤味會影響到我揸車！」事件令大家議論紛紛，到底帶榴槤搭巴士犯唔犯法？
發文嘅網民指出，現場有女乘客出聲撐車長：「司機唔聞得會影響佢揸車，危險呀！」有男乘客反駁：「榴槤都唔係臭。」該女乘客則回應：「人哋（指車長）唔食得又唔聞得呀嘛，如果佢暈，佢揸車，你驚唔驚先？」
有網民亦支持車長，指榴槤應該屬於厭惡性物品，並引述城巴乘客須知規定，指「所有登車之物品或行李，亦不可有任何危險性或厭惡性」，認為車長有權要求有關乘客下車。但也有部分網民質疑車長是否有權要求乘客下車。
大律師陸偉雄說，法例並沒有禁止帶榴槤等濃烈味道物品搭巴士，但如果對司機或其他乘客造成不安或煩擾，便有機會觸犯《公共巴士服務規例》(第230A章)第13A條(1)(c)(ii)條，任何乘客均不得，故意作出或故意安排作出任何事情，導致他人受傷、不安、煩擾或不便。很大程度上取決於現場司機或其他乘客有無相應的不安或煩擾情況出現。
KellyChu
更多文章
