胡慧沖 - 今個周末雙喜臨門 | 筆泰沖動
胡慧沖
2025-05-23 02:00 HKT
字體大小
今次回港頭尾接近15日，先係為好朋友結婚做司儀，跟住有一啲商務合作，但重頭戲係今個星期六、日。話說泰國政府旅遊局香港辦事處每年都會搞泰國節，今年都唔例外，但轉咗場去咗鑽石山荷里活廣場舉行，除咗我之外，亦都有冬蔭妹同佢先生、囡囡一齊嚟參與支持。當然除咗我哋照例載歌載舞，亦都會有好多抽獎遊戲，有機票、酒店住宿送畀大家，亦都有好多旅遊配套嘅優惠，而小弟嘅產品「肥黑師兄」都會在場有售。一連兩日我都會喺度同大家開心分享，開心合照！
此外24日晚就更加係中村雅俊演唱會嘅大日子！等咗幾廿年終於等到呢一日，仲可以近距離聽偶像唱歌，當年嘅青春片段終於可以重現眼前。據說今次都有好多娛樂圈朋友到來支持做觀眾，因為佢實在係一個樂壇傳奇同神話，對於好多香港人嚟講直頭係集體回憶！小弟亦都將一些有關中村雅俊嘅收藏借咗畀主辦單位，大家買咗飛入場之際都可以睇到欣賞到，完完全全將自己嘅開心快樂同大家一齊分享。希望嗰日唔好塞車，六點幾鐘完咗泰國旅遊局嘅活動我就會往灣仔新伊館出發，希望到時演唱會上大家都一齊唱、一齊拍手、一齊歡呼！星期六、日兩天希望見到大家。
胡慧沖
今個周末的泰國節希望大家到來支持。
最Hit
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT
更多文章
