KellyChu - 書迷：引導內心思考 走過困惑時刻 楓燧道長新書發布會人頭湧湧 | Executive日記
KellyChu
2024-07-22 02:00 HKT
字體大小
都市生活節奏快，港人每日面對唔少生活壓力，有時或感到困惑，需要心靈慰藉引導。電視真人騷《通靈之王2》冠軍易烊楓燧，昨日喺書展舉行《悟道德》新書發布會兼簽名會，現場人頭湧湧，一眾「道友」爭先同「道長」合影，一度大排長龍。
楓燧道長認為，現代人面對生活壓力與困惑時，可以嘗試喺傳統文化中，尋找寄託心靈嘅方式。佢喺呢本新書裏面，將自己從中國哲學中學到嘅寶貴智慧，分享畀更多人，「我希望能夠幫助大家了解養心工夫嘅內涵同價值，從而逐漸融入到自己嘅生活，實現內心嘅平靜同和諧。」
楓燧道長表示，書展反應熱烈，超出佢嘅預期，又話寫書過程中用到唔少文言文，但依舊有好多年輕人支持，令佢十分感動，感受到年輕人對傳統文化嘅熱情，希望佢哋讀完呢本書之後更加豁達，內心更加平靜。
楓燧道長嘅粉絲自稱係「道友」。昨日多位「道友」特意到場支持易烊楓燧，有「道友」認為其所傳授嘅傳統道教智慧，有助於引導內心思考和平靜，幫助佢走過唔少困惑時刻。
另一位「道友」山維更排咗近半個鐘支持道長新書，佢形容排幾耐都好值得，因為道長嘅書同埋說話都好有道理，真係值得聽。山維坦言自己係因為節目《通靈之王2》而認識楓燧道長，認為道長喺解讀傳統道教文化上有自己嘅特色，非常有感染力，相信閱讀新書時會有不一樣嘅認識。
KellyChu
楓燧道長與書迷合照留念。
最Hit
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT
西貢區議員發現將軍澳居民「小福利」？深夜搭港鐵仍有列車服務 街坊網民解構出於1原因
2026-04-04 11:00 HKT
更多文章
