KellyChu - 书迷：引导内心思考 走过困惑时刻 枫燧道长新书发布会人头涌涌 | Executive日记
KellyChu
2024-07-22 02:00 HKT
字體大小
都市生活节奏快，港人每日面对唔少生活压力，有时或感到困惑，需要心灵慰藉引导。电视真人骚《通灵之王2》冠军易烊枫燧，昨日喺书展举行《悟道德》新书发布会兼签名会，现场人头涌涌，一众「道友」争先同「道长」合影，一度大排长龙。
枫燧道长认为，现代人面对生活压力与困惑时，可以尝试喺传统文化中，寻找寄托心灵嘅方式。佢喺呢本新书里面，将自己从中国哲学中学到嘅宝贵智慧，分享畀更多人，「我希望能够帮助大家了解养心工夫嘅内涵同价值，从而逐渐融入到自己嘅生活，实现内心嘅平静同和谐。」
枫燧道长表示，书展反应热烈，超出佢嘅预期，又话写书过程中用到唔少文言文，但依旧有好多年轻人支持，令佢十分感动，感受到年轻人对传统文化嘅热情，希望佢哋读完呢本书之后更加豁达，内心更加平静。
枫燧道长嘅粉丝自称系「道友」。昨日多位「道友」特意到场支持易烊枫燧，有「道友」认为其所传授嘅传统道教智慧，有助于引导内心思考和平静，帮助佢走过唔少困惑时刻。
另一位「道友」山维更排咗近半个钟支持道长新书，佢形容排几耐都好值得，因为道长嘅书同埋说话都好有道理，真系值得听。山维坦言自己系因为节目《通灵之王2》而认识枫燧道长，认为道长喺解读传统道教文化上有自己嘅特色，非常有感染力，相信阅读新书时会有不一样嘅认识。
KellyChu
枫燧道长与书迷合照留念。
最Hit
金州杀人魔逃亡30年落网 「迷你GG」竟是破案关键 警揭惊人尺寸
2025-11-18 20:35 HKT
老字号酒楼时光倒流价！乳鸽/烧鹅濑优惠$19.8 每日茶市供应
2025-11-18 13:01 HKT
更多文章
