KellyChu - 中国朋友父亲翻译名字 贺锦丽中文名解「才貌双全」 | Executive日记
KellyChu
2024-07-23 02:00 HKT
字體大小
美国总统拜登宣布退选后，全力支持副总统贺锦丽代表民主党参选竞逐下届总统。贺锦丽虽然没有太多亮丽政绩，但佢本人嘅性别同种族背景就令佢获得多个第一，包括美国第一位女副总统及第一位亚非裔副总统。贺锦丽呢个名听落亦似中国人名，令Kelly觉得好亲切，翻查资料，原来系贺锦丽专登揾朋友仔改㗎。
贺锦丽原名系Kamala Harris，直译成中文应该叫卡玛拉·哈里斯，点解会变咗个咁似中国人嘅名呢？原因系贺锦丽喺2003年竞选三藩市地方检察长时，邀请咗认识多年嘅政府律师苏荣丽，请佢爸爸苏锡芬帮忙改个中文名，以借此拉近与当地华人嘅连系。
据悉苏锡芬生前系加州华侨领袖，为驻美中华总会馆嘅活跃成员。苏先生取Harris谐音作姓氏「贺」，「锦」则系祝福其前程似锦，「丽」指才貌双全。贺锦丽一开始并唔太喜欢「丽」字，比起美貌，佢更希望以智慧取胜。苏先生解释按华人传统，「姊妹」必须有个字系相同，因为苏荣丽个名有个「丽」字，所以佢就接受咗贺锦丽呢个中文名。
贺锦丽老公Douglas Emhoff都有个中文名叫做任德龙，同样都系由苏先生所取，大部分外国男人都钟情「龙」字，所以呢个字系老公自己主动要求加落个名度嘅。贺锦丽将近50岁先遇上现任老公，但两人非常恩爱，任德龙更喺贺锦丽竞选副总统期间暂停律师工作，陪佢奔走各州向选民拉票。
KellyChu
更多文章
