Cally - 社會創業論壇 商社共贏2.0 中小企以共享價值創藍海 | 商界講呢啲
Cally
2024-04-30 02:18 HKT
字體大小
由社會創業論壇主辦嘅商社共贏2.0研究報告《商社共贏創藍海》發佈及研討會今日舉行，請得一眾業界精英討論企業如何發展商社共贏嘅營運模式，開拓藍海市場。隨着世界各國對社會可持續發展越來越重視，有更多企業提倡「創造共享價值」（CSV，Creating Shared Value）。近年好多企業重視嘅CSR（Corporate Social Responsibility，企業社會責任），同CSV有咩唔同？
社會創業論壇副主席黃英琦女士，太平紳士解釋：「CSR簡單嚟講就係發財立品，企業賺到錢後，捐出部分營利回饋社會。而CSV係營商策略，主動回應社會需要、關顧員工發展、福祉，同時對公司有利；目標係既幫到社會，公司亦能賺錢。」
佢以其中一位《商社共贏創藍海》研究報告嘅講者「橄欖時光」代表作例子，呢個專門生產高質橄欖油嘅內地企業，機緣巧合下去到一個專種橄欖樹的農村，及後決定同當地農民合作，由教授農民種植生產、設廠提煉橄欖油、市場推廣等一條龍提供解決方案，公司既得到高質產品外銷提高收益，村民亦因此改善生活，配合國家嘅扶貧政策，各方持份者都可得益，咁樣嘅經營模式才能夠可持續發展。黃英琦補充：「今次研究過程中，發現其實好多中小企都想為社會做啲嘢，財善並用，只係未搵到最好嘅實踐方法，有啲公司亦未聽過CSV 。我哋希望幫助中小企多啲認識CSV理念，發掘更務實嘅方案去達致互利共贏。中小企唔能夠用孤島心態去營運，無論企業大小，喺社會大環境下都唔可以獨善其身，老闆們需要明確了解生意所處環境，認清社會真正嘅需要，將社會因素加入自己生意策略上。」
Cally
社會創業論壇副主席黃英琦女士期望中小企能多認識CSV理念，發掘更務實嘅方案去達致互利共贏。
最Hit
黃大仙驚現極長人龍？32°C等個半鐘入場 排足4次隊拎券攞位只為1物......
2025-06-22 19:13 HKT
結業潮2025｜上半年22間連鎖食肆、名店離場 老字號、兩餸飯通通捱唔住 1類餐廳執最多
2025-06-22 18:23 HKT
張可頤同屆港姐驚爆喪夫3年掛住老公：學習一個人生活 獲同期藝訓班同學慶生
2025-06-22 15:30 HKT
上厠所玩手機蹲足2小時 33歲內地男腸子掉出13cm
2025-06-22 08:00 HKT
更多文章
