郭志仁 - 玉蝴蝶 | 九宮格
郭志仁
2024-04-05 02:00
字體大小
W先生早前看Carl叔叔王雙駿演唱會，一邊欣賞謝霆鋒演唱《玉蝴蝶》，一邊回想當年與大學同學爭論《玉蝴蝶》歌詞，更贏得不少女生掌聲。
《玉蝴蝶》2001年面世，惹來坊間一些爭議，甚至有時事雜誌專欄狠批歌詞代表廣東歌沒落。專欄批評林夕亂寫一通，甚麼「戀生花」、「風之紗」、「夫斯基」、「早優生」，根本沒有這些人和物，完全是粗製濫造。當年W先生跟幾位同學在醫學大樓小食店，爭拗歌詞優劣，以檸檬批蛋糕仔作賭注。
男同學：呢篇專欄講得好呀，林夕真係亂寫，柴可夫斯基我就識，咩夫斯基同早優生真係亂作。
W：假，真係自己丟嘅，理解力差就算，仲要寫專欄俾大家知自己蠢。
男同學：如果你講到邊個叫早優生，我請大家食檸檬批。
W：好呀，加埋新鮮出爐蛋糕仔。大家有冇聽過莎士比亞名句「名字有甚麼重要？玫瑰不叫玫瑰，依然芬香」？呢首歌就係同樣意思，《玉蝴蝶》唔係一隻蝴蝶，係植物名。林夕想講，無論佢叫咩名都一樣美，你可以亂叫佢「早優生」、「戀生花」。好似我哋系花Juliana，你亂叫佢早麗紗，佢都一樣咁靚咁叻。
在場Juliana尷尬面紅。男同學似乎無力還擊，只好乖乖給大家買下午茶。在場女生表示讚賞，從此遇有歌詞看不明白，都會主動跟W研究，後來系花成了W女朋友。系花說，喜歡自信又聰明的男生。
「是人是物仍然維護你，代號亦是任我改。」謝霆鋒——《玉蝴蝶》
郭志仁
最Hit
東張西望丨網上瘋傳何太三大背景！疑三度結婚 傳避走內地狂呻被抹黑
2024-05-08 23:00
北角餐廳貼告示八達通付款要收手續費 $70以上加收1.5%！ 網民：違反八達通使用守則
2024-05-08 19:15
更多文章
