KellyChu - 鄧炳強精選10大美食 沙頭角「炸油糍」冇得頂｜Executive日記
KellyChu
2023-12-19 00:00 HKT
字體大小
喺保安局局長鄧炳強大力推動之下，第二期沙頭角開放計劃將於明年1月1號開始啦，大家只要喺網上申請電子「禁區紙」，就可以入沙頭角開放嘅地區尋幽探秘！鄧局長仲精選沙頭角「十大美食」！小妹跟局長去試食過，回味無窮，即刻同大家分享下小妹心目中嘅十大美食嘅排名！
小妹最鍾意懷舊小食，所以第一名一定選「懷舊炸油糍」，呢款就嚟失傳嘅客家小食，入面好多蘿蔔絲、蝦米同香料，外脆內軟，好食到停唔到口！第二名我選「客家豆豉炆豬肉缽」，鬆軟嘅豬肉經過長時間炆煮，剩返骨膠原，不油不膩，豉香誘人，配碗白飯食簡直冇得頂。第三名係「香煎蠔餅麵」，一粒粒又大又肥美嘅本地新鮮蠔仔被濃厚蛋漿完美包住，充滿鮮味，一口蠔餅一口湯麵，口感新奇，小妹大開眼界！
除咗「top 3」，小妹覺得嫩滑彈牙嘅「香煎墨魚餅」、用上走地雞嘅「鹹菜雞飯」同肉汁多到瀉嘅「手打牛肉芝士漢堡」都相當之唔錯！小妹誠心推介大家入沙頭角，一邊睇風景，一邊歎特色美食！
Kelly Chu
最Hit
《中年好聲音3》參賽者酒樓登台片瘋傳 被塞500元錫阿婆面珠 熱情互動惹側目網嘆搵食艱難
2025-05-02 16:00 HKT
中年好聲音3丨8強黑馬占士丁丁晉級無望？突襲「姜濤灣」洩端倪：賽果已成定局
2025-05-02 22:00 HKT
甘肅女大生執手機跌入化糞池溺斃 網民：最悲摧的死法
2025-05-01 11:05 HKT
更多文章
