KellyChu - 流浪牛馬路激戰 塞車睇鬥牛show｜Executive日記
KellyChu
2023-03-25
字體大小
香港出現鬥牛奇觀，網傳短片可見兩頭大黑牛在馬路上演「MMA」，兩邊行車線因此全塞。有網民笑言塞車唔使嬲，因為有「免費鬥牛show」睇，Kelly都覺得機會難逢啊。
短片見到兩隻流浪牛，喺馬路中心角力，兩牛以角互推較勁，各不相讓，到片段最後部份，左邊嘅牛蓄力爆發，將對手撞後兩三個牛步，繼續喺右邊行車線爭持。
兩牛大戰，阻住兩邊行車線造成車龍，司機們都無奈，睇住兩牛決鬥，亦冇司機響號阻止，可能擔心刺激兩牛，轉而目標衝向車輛。現場一輛紅色私家車剛好停喺牛前，網友緊張留言指「紅色車果位朋友情況好危險」，因為畀牛整花架車，真係冇仇報。
唔少網民笑言「去咗西班牙？」，更形容「可能係最無奈的塞車原因」；亦有網民聯想力豐富，覺得係吉兆，「股票大升」、「牛市呀」。其實漁護署都有提過，牛隻總會有一定危險性，遇到佢哋時，唔好向牛隻做出突如其來動作或發出噪音。
Kelly Chu
短片見到兩隻流浪牛，喺馬路中心角力，兩牛以角互推較勁，各不相讓，到片段最後部份，左邊嘅牛蓄力爆發，將對手撞後兩三個牛步，繼續喺右邊行車線爭持。
兩牛大戰，阻住兩邊行車線造成車龍，司機們都無奈，睇住兩牛決鬥，亦冇司機響號阻止，可能擔心刺激兩牛，轉而目標衝向車輛。現場一輛紅色私家車剛好停喺牛前，網友緊張留言指「紅色車果位朋友情況好危險」，因為畀牛整花架車，真係冇仇報。
唔少網民笑言「去咗西班牙？」，更形容「可能係最無奈的塞車原因」；亦有網民聯想力豐富，覺得係吉兆，「股票大升」、「牛市呀」。其實漁護署都有提過，牛隻總會有一定危險性，遇到佢哋時，唔好向牛隻做出突如其來動作或發出噪音。
Kelly Chu
更多文章
