KellyChu - 流浪牛马路激战 塞车睇斗牛show｜Executive日记
KellyChu
2023-03-25 00:00 HKT
字體大小
香港出现斗牛奇观，网传短片可见两头大黑牛在马路上演「MMA」，两边行车线因此全塞。有网民笑言塞车唔使嬲，因为有「免费斗牛show」睇，Kelly都觉得机会难逢啊。
短片见到两只流浪牛，喺马路中心角力，两牛以角互推较劲，各不相让，到片段最后部份，左边嘅牛蓄力爆发，将对手撞后两三个牛步，继续喺右边行车线争持。
两牛大战，阻住两边行车线造成车龙，司机们都无奈，睇住两牛决斗，亦冇司机响号阻止，可能担心刺激两牛，转而目标冲向车辆。现场一辆红色私家车刚好停喺牛前，网友紧张留言指「红色车果位朋友情况好危险」，因为畀牛整花架车，真系冇仇报。
唔少网民笑言「去咗西班牙？」，更形容「可能系最无奈的塞车原因」；亦有网民联想力丰富，觉得系吉兆，「股票大升」、「牛市呀」。其实渔护署都有提过，牛只总会有一定危险性，遇到佢哋时，唔好向牛只做出突如其来动作或发出噪音。
Kelly Chu
短片见到两只流浪牛，喺马路中心角力，两牛以角互推较劲，各不相让，到片段最后部份，左边嘅牛蓄力爆发，将对手撞后两三个牛步，继续喺右边行车线争持。
两牛大战，阻住两边行车线造成车龙，司机们都无奈，睇住两牛决斗，亦冇司机响号阻止，可能担心刺激两牛，转而目标冲向车辆。现场一辆红色私家车刚好停喺牛前，网友紧张留言指「红色车果位朋友情况好危险」，因为畀牛整花架车，真系冇仇报。
唔少网民笑言「去咗西班牙？」，更形容「可能系最无奈的塞车原因」；亦有网民联想力丰富，觉得系吉兆，「股票大升」、「牛市呀」。其实渔护署都有提过，牛只总会有一定危险性，遇到佢哋时，唔好向牛只做出突如其来动作或发出噪音。
Kelly Chu
更多文章
