KellyChu - 紀念「哥哥」離世20周年 前經理人向基層送飯餐|Executive日記

今年係「哥哥」張國榮逝世二十周年,不經不覺,「哥哥」離開我哋廿年。前經理人陳淑芬話,為咗延續「哥哥」嘅愛,佢今年會推出三項活動,一係向深水埗劏房戶送上熱餐飲;二係舉行「哥哥」紀念展;三係喺紅館舉行紀念音樂會。
陳淑芬話,有見新聞報道有失業人士到商場美食廣場食其他人吃剩嘅「二手飯」,擔心佢哋家人亦要捱餓,希望可以出一分力,構思咗一項「哥迷芬享友營飯」活動,為基層家庭同劏房戶送上熱騰騰、美味富營養嘅飯盒,已得到善長捐款,並交由「王家沙.花樣年華」協助,以成本價製作有營養價值又好味嘅兩餸飯盒,初期每月由深水埗地區組織向劏房戶送出逾一千個飯盒,如果日後籌得更多善款,就會增加數量。
Kelly昨天試過由王家沙大廚煮嘅糖醋魚塊、醬爆雞丁同家鄉炒飯,都係日後派飯盒嘅餸飯,十分好味,水準好過好多兩餸飯,而且無骨,啱晒基層長者同細路仔。呢次活動得到慈善協辦機構「好聲」支持,大家可以上網捐款,向更多基層送上溫暖。
另一方面,陳淑芬保存好多「哥哥」生前嘅物品,準備今年四月喺沙田文化博物館舉行紀念張國榮展。Kelly好有興趣回望「哥哥」嘅花樣年華歲月。
Kelly Chu
■陳淑芬介紹哥哥離世二十周年的紀念品。
陳淑芬話,有見新聞報道有失業人士到商場美食廣場食其他人吃剩嘅「二手飯」,擔心佢哋家人亦要捱餓,希望可以出一分力,構思咗一項「哥迷芬享友營飯」活動,為基層家庭同劏房戶送上熱騰騰、美味富營養嘅飯盒,已得到善長捐款,並交由「王家沙.花樣年華」協助,以成本價製作有營養價值又好味嘅兩餸飯盒,初期每月由深水埗地區組織向劏房戶送出逾一千個飯盒,如果日後籌得更多善款,就會增加數量。
Kelly昨天試過由王家沙大廚煮嘅糖醋魚塊、醬爆雞丁同家鄉炒飯,都係日後派飯盒嘅餸飯,十分好味,水準好過好多兩餸飯,而且無骨,啱晒基層長者同細路仔。呢次活動得到慈善協辦機構「好聲」支持,大家可以上網捐款,向更多基層送上溫暖。
另一方面,陳淑芬保存好多「哥哥」生前嘅物品,準備今年四月喺沙田文化博物館舉行紀念張國榮展。Kelly好有興趣回望「哥哥」嘅花樣年華歲月。
Kelly Chu

最Hit
35歲「亞洲第一美女」宣布離婚結束6年婚姻 高調嫁入豪門做少奶 去年曾公開放閃
2025-10-17 14:30 HKT
政府、數碼港與業界攜手推動智慧城市 應用空間數據 AI實現安全智慧工地
2025-10-17 10:00 HKT
羅湖新商場茂業天地正式開幕!100+品牌陸續進駐 過關5分鐘直達 樓高10層設大型超市/餐廳/戲院/室內遊樂場/K房
2025-10-17 16:58 HKT